Caste Enti Adiginollaki samadaanam chuste shock

విలేఖరి: సార్ మీది ఏ కులం????

నేను: ఏ వయస్సు లో…

విలేఖరి అంటే వయస్సు బట్టి కులం వుంటుందా???

నేను వుంటుంది! బాల్యంలో బాలకులం

యవ్వనంలో యువకులం వృద్దాప్యంలో పండుటాకులం

రాలిపోయే ఎండుటాకులం

విలేఖరి : అది కాదు మామూలుగా మీద ఏ కులం?

Latest Awesome Love proposal

నేను: ఎవరూ లేకుంటే ఏకాకులం ప్రేమలో వున్నప్పుడు ప్రేమికులం పెళ్లి అయ్యాక సంసారికులం

కానప్పుడు బ్రహ్మచారికులం

విలేఖరి అది కాదండీ కమ్మ కాపు అలా మీది ఏ కులం

నేను ధనముంటే దనికులం లేకుంటే బీదకులం దేవుణ్ణి నమ్మితే ఆస్తికులం నమ్మకుంటే నాస్తికులం

విలేఖరి : మీకు ఆసలు కులం లేదా????

నేను ఎందుకు లేదు. ప్రయాణిస్తే ప్రయాణికులం యాత్రలు చేస్తే యాత్రికులం మాయలు చేస్తే మాంత్రికులం ఉపన్యసిస్తే ఉపన్యాసకులం హాస్యం పండిస్తే విధూషకులం

పాడితే గాయకులం సభలో ఉంటి సభికులం సినిమా హాల్లొ ప్రేక్షకులం

టీవీ ల ముందు వీక్షకులం

విలేఖరి మీరు ఎక్కడ చదివారు????

నేను చదివింది గురుకులం అభ్యసిస్తే అభ్యాసకులం బోధిస్తే బోధకులం

వృత్తిరీత్యా అధ్యాపకులం పత్రికల పాఠకులం నేర్పించే శిక్షకులం

విలేఖరి అసలు మీరు ఎవరండీ ఇలా చంపుతున్నారు????

నేను: నాగరికత నేర్చిన నాగరికులం నాయకులని నమ్మే అమాయకులం మూఢత్వం పోని మూర్ఖులం

విలేఖరి: అసలు మీ వయస్సు ఎంతండి ????

నేను : కొందరికి పూర్వీకులం

మరికొందరికి సమకాలికులం ప్రస్తుత వర్తమానికులం

విలేఖరి అసలు మీది ఏ దేశం ???

నేను: భరత జాతి వంశీకులం భావి భారత రథసారథికులం….

విలేఖరి మీకు దణ్ణం రా బాబు ఇంకెప్పుడు ఎవరిని మీది ఏ కులం అని అడగను…